رشیکیش دہلی میں ٹی ایچ ڈی سی کے عہدیداروں نے مرکزی وزیر برائے بجلی اور قابل تجدید توانائی آر کے سنگھ سے ملاقات کی۔ انہوں نے آر کے سنگھ کو وزیر بننے پر مبارکباد دی۔ انہیں ٹی ایچ ڈی سی کے کاموں اور بجلی کے مختلف منصوبوں کے بارے میں بتایا گیا۔ ٹی ایچ ڈی سی کے چیئرمین اور منیجنگ ڈائریکٹر وجئے گوئل نے مرکزی وزیر کو ٹی ایچ ڈی سی کی اہم سرگرمیوں سے آگاہ کیا۔ ڈائریکٹر ٹیکنیکل آر کے وشنوئی نے سولر پاور پروجیکٹ ، ونڈ اینڈ سمال ہائیڈرو پاور پراجیکٹس کی پیشرفت کے لئے کی جارہی کوششوں کے ساتھ 1320 میگاواٹ کے کھرجا سپر تھرمل پاور پروجیکٹ کی تعمیر کی پیشرفت کے بارے میں تفصیلی معلومات دی۔ ڈائریکٹر فنانس جے بہیرا نے کہا کہ ٹی ایچ ڈی سی بجلی کے منصوبوں کے ساتھ ساتھ مختلف سماجی سرگرمیاں کررہی ہے۔ مرکزی وزیر نے ٹی ایچ ڈی سی آئی ایل کے مجموعی کام کو سراہتے ہوئے کہا کہ کمپنی کو اترا کھنڈ کے ساتھ ساتھ ملک کے دیگر حصوں میں بھی اپنی جغرافیائی موجودگی کو بڑھانا چاہئے۔ کمپنی کو روزگار اور معاشی ترقی کو فروغ دینے کے لئے اتراکھنڈ اور پن بجلی گھر کی دیگر امکانی ریاستوں میں مزید منصوبوں کے حصول کے لئے جدوجہد کرنی چاہئے۔
COMMENTS